Ukufwana nu njobeli uwa ba polisi mwi boma lya Karonga Rose Chipyola atile babili aba baghoghiwe pakubinong’onela ukuti bakyaghiwe ni ng’ombe isya buhiyi.
Chipyola atile babili aba baghoghiwe yo Benjamin Kiyombe uwa finja 46 wa nkaya ka Mwalafyale Msomba ku ntemi Kilupula na Defao Mwasongela wa finja 29 wa nkaya ka Mwakaboko ku ntemi Mwakaboko mwi boma ili.
Umwene atile umpisi Benjamin Kiyombe alyaghiwe ni ng’ombe pa 11 August na kabalilo ka 5 koloko ku lubunju apa Defao Mwasongela alyaghiwe ni ng’ombe pa 12 August isi bosa babinong’onile ukuti bibile polelo apa Benjamin Kiyombe balimokyile numoto apa Defao Mwasongela afwile nubukomiwe.
Nukuti aba polisi batile ulwenesyo kuli nkati ukulonda abandu aba babombile isi nukuti bati bapalamasiwe fiyo nakayilo ka bandu akakweghela indaghilo maboko ghabo isi basumile abandu aba mwi boma lya Karonga ukwakuyoba ku polisi pa bandu aba bikubinong’ onela ukwiba ing’ombe ninongwa isingi ukusita ukweghela indaghilo maboko papo linga bakoliwe bisakwaghiwa ninongwa.
Unsimbi-Austin Sute Kayisi
