PGVH Mweniyumba ayobile amasyo agha lubatiko ulu ikikolo ikya ba Mwanyongo batendekisye nakaya ka Mwalafyale Mkaka Mwanyongo nikyolondiwa ikya ku kumanyana kangi nukwangala nukusekela palikimo.
Umwene atile ukuya nulubatiko bo ulu sikutula fiyo ukufyusya inyiho isya Ngonde pakyeni papo sikupungusya akayilo akakweghana pabukamu kangi sikutula ukumanyana nukughindikana.
Nukuti asumile ifikilo fimo ukwendela banyafyale bake ukuya nulubatiko bo ulu isi andaghisye fiyo ikikolo ikya ba Mwanyongo ukuya nulubatiko bo ulu ikinja ni kinja.
Pakuyobapo uwa pakikota uwa lubatiko ulu Bornface Chifwano Mwanyongo atile ulubatiko ulu lwendile kanunu fiyo ikinja iki papo lwatula umanyana pa kikolo kyabo.
Umwene atile ulubatiko ulu balyandile nkinja ikya 2022 ukubungana inyumba isya kufwana 14 ukuti bamanyeneghe nikyolondiwa ikyapungusya akayilo akakweghana nukusita ukumanyana.
Pakuyobapo umwimilili wa ku nyumba iya ndaghilo kulubafu ulwa Karonga Town Daniel Mwanyongo Chitonya uyu yope wakikolo ikya ba Mwanyongo andaghisye PGVH Mweniyumba uyu ali hesya ugindikiwa ukwisa palubatiko ulu papo syapelile ukuya lubatiko lusisya nukuti yope asumile ifikolo ifingi kulubafu lwake ukuya nulubatiko bo ulu nukuti umwee wakwiyipa ukutulapo.
Palubatiko ulu pali ifimogho bo indingala,indolo kangi na ba Chikolapa Performing Arts.
Unsimbi-Austin Sute Kayisi
