Abandu buna (4) bafwile pa soka iya pa sebo nukuti bamo bafulele fiyo pa kyamba ikya Tenende usebo wa M26 wa Karonga-Chitipa.
Ukufwana nu njobeli uwa polisi Sub Inspector Rose Chipyola atile isokaniyi yibombiwe mwisyughu pa 5 May 2026.
Nukuti aba bafwile pa soka iyi yo Moses Ngosi uwa finja 31 wa nkaya ka Mwalafyale Mwawembe ku ntemi Kyungu, Innocent Sikana, Steven Junior na tata yumo you akamanyikwa umma.
Ighali Ilya luko ulwa Mistubish Canter 3 tonne ili nambala llyake yo KK 9912 ili endesyagha Moses Mvula uwa finja 39 lolipangile isoka iyi nukuti lyampimbile amaloghota agha ndima na bandu ilongo limo(10) aba bakwelile pa mwanya pa maloghota agha.
Nukuti bati ighali ili bolifikile pa buyo ubusulukano uwakwendesya ighali atoliwe ukuligholosya nukuti lyaghalibwike.
Abandu buna (4) bafwile bo bakali bakambilila ubutuli ku kipatala ikinywamu ikya Karonga aba bafulele fiyo kuntu nukuti uwa kwendesya na bamo aba bakwelile pa mwanya pi ghali ili bope bafulele fiyo nukuti baghonekiwe pa kipatala ikinywamu ikya Karonga apa ighali lyosa libwaghaywike.
Nukuti aba polisi basumile nukusoka abandu ukusita ukukwela maghali agha ghali bwaai ku nyuma papo mabibi papo ghatakuya nubupokelo kabalilo aka isoka isi batile bikupinyagha uwakwendesya ighali aliwesa uyu aghiwe.
Unsimbi-Austin Sute Kayisi
