Kabughatila ka Civil Society Actors, Karonga Civil Society na kaghaba aka ubwanaloli nulutengano CCJP mu diocese ya Karonga fitile fipalamasiwe fiyo nukusita ukwisa ukwa likambala ilya mendelo nutubomba Jappie Mhango pa isyakuyobesania isya kupalamasya usebo uwa Karonga -Chiweta isi balikoleli ukuti ise.

Pakuyobapo pa lukamono ulwa bapelelesi yumo mwa balongosi aba Obert Mkandawire, atile baghulile imilungu mitatu ukuti ikambala ili lise ku isya kuyobesania ukufwana nikalata iyi balisimbile loli ikambala ili likisako isi bati sibapalamesye fiyo.

Mkandawire atile kwalino ulu basimbile kangi ikalata iyingi ukuti ikambala ili lise pa isya kuyobesania isi pa 18 July 2026.

Pakuyobapo Goodluck Mwamlowe ufumila ku Chilumba asumile ilikambala ili ukuti ise pa isyakuyobesania isi papo baswighile ukuti likambala ili lyalisilemwi boma lya Karonga ukwaghana na banyafyale bene ukusita ukubakolelako abene umma isi atile linga atoliwe ukwisa bangisa ukubabengegha.

Unsimbi-Austin Sute Kayisi