Pakuyobapo palukomano ulu lwabombeliwagha pa Museum untemi uwa batemi Kyungu uwa boma lya Karonga na Chitipa atile usebo ughu wakulondiwa fiyo loli bati ukufwana ni fibwina ifi fili musebo ughu fyakutilisya pa bumi ubwa bandu.
Kyungu atile ukuya bina Karonga bakukolelanako ni nguto iya fibughatila ifi nikyolondiwa ikyakuti iboma lyaghepo kaghaba aka kutendekesya usebo ughu papo wakulondiwa pa masyo gha bukyulusi kangi na ku bumi ubwa bandu papo akabalilo kingi abandu ababine bikutumiw aku kipatala ikinywamu ikya Mzuzu Central loli bati pali indamyo fiyo ukuti abandu bakufike ukufwana nifibwina ifif fili musebo ughu.
Pakuyobapo Christobel Munthali uyu yo nkulumba uwa kibughatila ikya Foundation for Women and Girls Empowement-FOWOGE andaghisye abanyafyale nongwa iya kukolelanako na minong’ono ghabo isi bati sikuya pakutula ukuyoba kimokyene ukuya bandu ba mwi boma lya Karonga.
Unsimbi-Austin Sute Kayisi
