Brave Sambo uyu yo nkulumba uwa sukulu iyi yo uyu ayobile amasyo agha apa bapalaghilana na bana aba bikuya pakusimba ingelo isya form 4 pa sukulu iyi ikinja iki palubatiko ulu lwabombeliwagha pa Museum mwi boma lya Karonga.
Umwene atile ukufwana nimbatiko sya kitukuko isya boma sya 2026 syakulondiwa ukuti abapapi babakasyeghe abanabo pa mbombo isya bupakasi isya maboko ukuti baye bana bakwiyimila pabene papo iboma likabaghila ukufwanisya ukusimba umwana aliwesa imbombo.
Pakuyobapo unkulumba uwa bana ba sukulu(Head Boy) Enock Mwangombelo akasisye abana abinake ukuya bana bakwiyumila ukubala nikyolondiwa ikyakuti basaye bana bakubomba kanunu pa ngelo isi ukusita ukusubilila ifya mwalwe.
Nukuti asimikisyile ukuti imbatiko isya kitukuko isya boma sya 2063 sikusubila abana baba polelo asimikisyile ukuti abene bikuya pakufyuka kanunu fiyo pa ngelo isi.
Abana bakufwana 108 pa sukulu iyi bo aba bikusubiliwa ukusimba ingelo isya form 4 isi sikwanda udungu wakilabo.
Unsimbi-Austin Sute Kayisi
