Umwimilili wa ku nyumba iya ndaghilo kulubafu ulwa Karonga Songwe Mungasulwa Mwambande asumile iboma kwendela kubukambala ubwa isya bulimi ukuti buyenge ulusinde ulwa kupinga amisi(FAGO) musi kisoko ikya Kiwe nikyolondiwa ikya kupungusya ukuteka kwa misi agha ghikubika ubufulunganifu ku bandu linga ikisoko iki kiswile.

Mwambande ayobile masyo agha mu nyumba ia ndaghilo apa ikambala ilya bulimi Roza Mbilizi amulagha amalalusyo agha kukindana kindana ukufuma ku bimilili aba.

Umwene atile abandu aba basyungutile ikisoko iki ubumi bwabo buli pa bogha fiyo papo akabalilo kingi linga ikisoko iki kiswile ifyombo ni fyakulya ifi bikulima fikonangika fiyo isi bati iboma libaghile ukubinong’onela abandu aba.

Pakwamulapo ikambala ilya bulimi Roza Mbilizi atile ubukambala bwake bukwakwendela ikisoko iki ukuti bakakete linga kukulondiwa ulusinde ulwa kupinga amisi(FAGO) pamo lumo linga kukulonda injila isingi isi singatula ukupungusya indamyo iyi nukuti bati linga pikulondiwa ulusinde ulwa kupinga amisi(FAGO) bisakubombela indalama isya munyambi iya CDF.

Unsimbi-Austin Sute Kayisi