Daniel Mwanyongo Chitonya uyu yo mwimilili wa ku nyumba iya ndaghilo kulubafu ulwa Karonga Town asumile abanyafyale ubukolelanisi nukubombela palikimo ifitukuko ifya ndalama iya kufwana 5 billion kwacha isya munyambi iya CDF.

Chitonya ayobile amasyo kwa Mwalafyale PGVH Mweniyumba apa aghana na banyafyale aba bali pasi pa PGVH Mweniyumba ukulunganiapo namuno indalama iya munyambi iya CDF kangi namuno endile ukufuma ku nyumba iya ndaghilo.

Umwene atile abanyafyale babaghile ukweghapo akaghaba kangi nukwenesya isya ndalama isi kwi kaselo nikyolondiwa ikya kuti ifitukuko fiboneke papo lino ulu indalama isi sili maka gha bandu.

Nukuti atile linga indalama isi singisa syosa pa finja fihano(5) bo Karonga Town yandwike pa fitukuko .

Nukuti PGVH Mweniyumba andaghisye ugindikiwa Daniel Mwanyongo Chitonya ukwisa nukubalinganiapo abanyafyale namuno indalama iya munyambi iya CDF yikuya pakwendela isi bati syosyakulondiwa fiyo pa bulongosi.

Unsimbi-Austin Sute Kayisi