Unkulumba uwa boma lya Karonga DC Willard Mwambo asumile abamanyisi aba fyabulimi,aba fyabumi,ifipeliwa kangi an abafimanyilo ukuti babaghile ukuti bitughele nkaya uku babasimbile imbombo.

Mwambo ayobile masyo agha na Radio Dinosaur FM isi atile bati syaghiwe ukuti abamanyisi aba fyabumi na bafyabulimi bingi bighanile ukwitughala mu town ukuleka ukwitughala ntwaya uku batumiwe ukuti bakabombeghe imbombo isi bati sikughomokesya kunyuma imbombo.

Umwene ongelile ukuyoba ukuti linga abamanyisi aba bikwitughala ntwaya uku bikubomba imbombo singatula ukumanya nalinga indamyo isi abandu bikwaghana nasyo kangi babaghile ukwambilila nakalinga ubumanyisi ubununu kangi nkabalilo kake bo ubwa fyabulimi nu nifyabumi.

Nukuti atile kangi linga abamanyisi aba fyabumi ni fyabulimi bikwitughala nkaya uku bikubomba imbombo singatula fiyo ukuti abandu aba nkaya uku baliko babamanye kangi bamanyisiwe pa mbatiko isi syulondiwa.

Unsimbi-Austin Sute